Tetun: Area Lagoa Modomahut Sei Sai Fatin Turizmu

Loron, Sesta 27 Janeiru 2017, Ministru Estadu Koordenador ba Asuntu Ekonomiku (MECAE), no Ministru Agrikultura no Peska (MAP), Eng. Estanislau da Silva akompañia mos Sekretaria Estadu Arte no Kultura (SEAC), Sr. Maria Isabel de Jesus Ximenes hodi ba hare dereita lagoa Modomahut, Welaluhu Munisipiu Manufahi. Vizita ba Lagoa Modomahut fatin ida ne’ebé potensial tebes ba turismu. Atu dezenvolve governu liu husi Ministeriu Turismu, Arte no Kultura (MTAC), no United Nations Development Programme (UNDP), hahu planu ona kona ba progama ida nee. Iha tempu badak UNDP sei hahu kuda Ai Parafa (Ai Tasi), programa nee MECAE-MAP asina tiha ona MoU ho UNDP Kona-Ba Dezenvolve Ai Parafa Iha Tasi inklui mos iha area Modomahut. “Komprementa nebe ami sei mai hare Modomahut. Ida nee hatudu kata ami servisu laos atu mai koalia deit, maibe ami mai hahu dadauk servisu ne’ebé integradu. Hau laos mai mesak ne’ebé mai mos Ministra Interina Turisu atu akompañia dezenvolvimentu integradu ida ne’ebé governu hakarak halao, ligasaun Agrikultura, Turismu, Kultura, no mos tekniku husi TradeInvest Timor Leste tanba nee mak sekretaria estadu mos mai,” dehan S. E. MECAE. Nia informa tan katak, la presiza hein turismu sira maim aka dezenvolve maibe presiza prepara uluk kondisaun atu bele atria turismu sira mai, tanba turizta sira mai tenke kontenti iha fatin ida nee hanesan mos sira nia uma.

Bainhira halo vizita ba Lagoa Modomahut, Ministru Estadu no Sekretaria Estadu halao sorumutuk ho lider komunitariu sira hodi koalia kona-ba atu dezenvolve fatin turizmu iha Postu Admunistrativu Fatuberliu, Munisipiu Manufahi.